مكرونه الخضار بالدجاج لذيذه جداً

المقادير
المرحله الأولى
4 صدور دجاج خالية من العظم مقطعه قطع صغيره تسلق وترك على جنب
2 فلفل أخضر تقدرين تقللين بس انا أحبه كثير مقطع صغير
2 بصل مقطعه شرائح
3 فص ثوم مقطع شرائح
نصف مكعب ماجي
بهارات كمون كركم فلفل أسود وأحمر بربيكا حاره وحلوه لو ماهي متوفره تقدري تستغني عنها
وآجي هذا بهار الأندونسين
تأخذين مقلاه
وتضعين زيت ثم بصل والفلفل الأخضر والثوم وتغطينه وتقلبينه بين فتره واخرى إلى أن ينضج

ثم تضيفين الدجاج وبقية البهارت والماجي وتقلبين جدياً على النار لين تحسين أنو البهارت طلعت ريحتها وصارت حلوه

وتتركينه على جنب



الحين المرحله الثانيه
تسلق المكرونه أي شكل تبينه ماعاد السبكاتي مع شوي زيت

المرحله الثالثه
3 حبات كوسه
4 حبات جزر
4 حبات بطاطاس
بزاليا مسلوقه
تقطع الكوسه والجزر والبطاطاس حلقات

وتقلى في زيت حاار ولكن لاتتحمر فقط تستوي

المرحله الرابعه

باشميل بس لازم يكون خفييف
مقاديره
7 كاسات ماء
7 ملاعق نشا
5 فناجيل حليب بودره
فلفل أسود وملح شووي
الماء لازم يكون على حرارة الغرفه
نضع جميع المقادير في قدر وعلى النار

ويحرك بإتجاه وآحد لأن لو حركنا مع عقارب الساعه وع************ يخرب الباشميل عندنا

بعد مايستوي
نتركه على جنب
ناخذ صنية فرن
تكون كبيره لأن المقادير كثيره
نضع المكرونه ونضع نصف الباشميل ونخلطه جيداً مع المكرونه
نضع الآن الدجاج ثم الكوسا ثوم الجزر ثم البزاليا ثم البطاطس





ويغطى بجبن سلايز انا هنا بالصوره حاطه كرافت بس احلى شيء برايد



بعدين نضع باقي الباشميل
وندخلها الفرن من الأسفل ربع ساعه
والأعلى إلا أن تتحمر

وبالهنا والعافيه